Plantun de Prouvènço

Pèr coumpara dos planto d'encò nostre

Trichophorum cespitosum & Juniperus thurifera

Trichophorum cespitosum

Cyperaceae

Nom en français : Scirpe cespiteux.

Descripcioun :
Aquesto bolo fai de mato dins li bas-palun, li tourbièro e riéusset de mountagno sus sòu séusous. L'espigueto de 3 à 6 mm èi souleto au bout de la cambo. Se vèi tres escaumo esterlo e lusènto e la pu basso, mai pounchudo, s'atrovo èstre quàsi o pu longo que l'espigo. La subsp. que trachis en Prouvènço, ié dison cespitosum.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 35 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Trichophorum
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 3 à 6 mm
Flourido : Printèms - Estiéu

Sòu : Si
Autour basso e auto : 400 à 2600 m
Aparado : Noun
Abriéu à setèmbre

Liò : Tourbièro - Riéusset - Bas-palun
Estànci : Mountagnard à Aupen
Couroulougi : Bourealo
Ref. sc. : Trichophorum cespitosum (L.) Hartm., 1972 (= Scirpus cespitosum L., 1753 )

Chai

Juniperus thurifera

Cupressaceae

Noms en français : Genévrier thurifère, Porte-encens.

Descripcioun :
Aquéu chai (noum generi dóu genèbre en mountagno) trachis sus li pendis secarous e cauquié à l'adré d'ùni mountagno. Douno d'èr au mourvèn emé si fueio en escaumo, pamens pòu deveni un pichot aubre. Se destrìo tambèn de la sabino que si grano soun pu grosso (1 cm de diamètre en liogo de 0,5 cm). Lou chai es uno reliclo dóu tèms ounte fasié mai fre e pu se en Éuroupo (-10 000 an B.P.). Trachis forço lentamen.

Usanço :
Soun bos s'apourridis quàsi pas talamen èi dur. Servié à faire de piquet, de cop que i'a de pichòti fusto, de moble o de pichòti besougno (porto-encèns).